Þórunn Egilsdóttir, þingmaður Framsóknarflokksins og fyrrverandi þingflokksformaður er látinn. Frá þessu greina nánustu aðstandendur hennar. Hún lét af þingmennsku í janúar síðastliðnum vegna baráttu sinnar við krabbamein. Þórunn lætur eftir sig eiginmann og þrjú börn.
Þórunn sat á þingi fyrir Framsókn og varð fyrst þingmaður árið 2013. Hún leiddi lista flokksins í Norðausturkjördæmi fyrir síðustu Alþingiskosningar.
Sjá einnig: Þórunn hættir á þingi og einbeitir sér að annarri baráttu: „Maður má aldrei missa vonina“
Þingkonan greindi frá því milli jóla og nýárs í fyrra að hún hefði greinst aftur með krabbamein eftir að hafa lokið meðferð. Þórunn hefur ávallt verið opinská með veikindi sín.
Þórunn útskrifaðist með stúdentspróf frá Verzlunarskóla Íslands árið 1984. Þá starfaði hún sem sauðfjárbóndi frá árinu 1986. Hún var grunnskólakennari árin 1999 til 2008 og skólastjórnandi 2005 til 2008.
Þórunn starfaði sem verkefnastjóri hjá Þekkingarneti Austurlands, nú Austurbrú, 2008 til 2013. Árið 2010 tók hún sæti í sveitarstjórn Vopnafjarðarhrepps 2010 til 2014, þar af þrjú ár sem oddviti.
