Hildur Lilliendahl eyddi landsfrægu tísti sínu um meinta vanrækslu Stjörnu-Sævars í garð barnsins síns og bað hann afsökunar á samfélagsmiðlinum í gær. Þar sagðist hún ólm vilja halda áfram að horfa á raunveruleikaþáttinn Bachelor.
Líkt og fram hefur komið gerði Hildur athugasemd við viðtal við Sævar sem birtist á Vísi. Þar sagðist hann hafa safnað rúmum sautján milljónum íslenskra króna með því að flytja heim til foreldra sinna og vinna sleitulaust myrkranna á milli.
Skrifaði Hildur þá tíst þar sem ljóst var að hún var að vísa til viðtalsins. Hún hefur nú eytt því: „Ég var að lesa sparnaðarráð á internetinu. Kemur í ljós að ef þú flytur inn á annað fólk og lætur það um að sjá um öll innkaup og borga alla reikninga og vanrækir svo barnið þitt til að geta unnið 200% vinnu, þá geturðu safnað mörgum milljónum. Easy.“
Sjá einnig: Hildur gefur lítið fyrir sparnaðarráð Sævars: „Tek föðurhlutverki mínu mjög alvarlega“
Þórhildur Fjóla Stefánsdóttir, unnusta Sævars, kemur sínum manni til varnar á miðlinum í gærkvöldi. Sjálf hafði Hildur viðurkennt að hún hefði ekki hlustað á viðtalið og fannst Þórhildi ekki mikið til koma.
„Þessi kona ákveður að nýta tækifærið og rakka niður mann sem fór í einlægt podcast og segja að hann vanræki barnið sitt án þess að hafa nokkuð fyrir sér í því. Viðurkennir svo hún að hún hafi ekki hlustað á viðtalið.“
Hildur svarar henni þá í tísti sem nú hefur verið eytt. „Af hverju hlustarðu ekki bara á viðtalið sjálft í stað þess að fara með staðlausa staðhæfingu um vanrækslu? Gæti verið að umfjöllun vísis sé kannski ekki alveg í réttu samhengi? Ég orðaði þetta ekki svona. En það skiptir þig auðvitað engu máli hvað er satt og rétt,“ svarar Stjörnu-Sævar henni þá um hæl.
Þessi kona ákveður að nýta tækifærið og rakka niður mann sem fór í einlægt podcast og segja að hann vanræki barnið sitt án þess að hafa nokkuð fyrir sér í því.
— Þórhildur Fjóla Stefánsdóttir (@thorhildurfjola) January 25, 2021
Viðurkennir svo hún að hún hafi ekki hlustað á viðtalið.. https://t.co/ukHUIEMDYE
Af hverju hlustarðu ekki bara á viðtalið sjálft í stað þess að fara með staðlausa staðhæfingu um vanrækslu? Gæti verið að umfjöllun vísis sé kannski ekki alveg í réttu samhengi? Ég orðaði þetta ekki svona. En það skiptir þig auðvitað engu máli hvað er satt og rétt.
— Sævar Helgi Bragason (@saevarhb) January 25, 2021
„Má ég halda áfram að horfa á Bachelor núna?“
„Tjah, ef það skiptir þig sjálfan máli hvað er satt og rétt (og það sem stendur í greininni er ekki satt og rétt) þá mæli ég með því að þú komir athugasemdum þínum á framfæri við blaðamanninn frekar en mig,“ svarar Hildur henni til baka.
Ljóst er að þessi svör nægja ekki öðrum Twitter verjum líkt og Elínu Jónasdóttir, veðurfræðing á Veðurstofu Íslands og hjá Ríkisútvarpinu. Spyr Elín hana hvernig minni tími með syninum geti sjálfkrafa þýtt vanræksla. Biður Hildur hana um að hætta, blaðamaður hafi ekki orðað hlutina beinlínis þannig, Sævar leiðrétt málið, tístum eytt og málið dautt.
„Má ég halda áfram að horfa á Bachelor núna?“ spyr Hildur þá. Elín segir þá að sér finnist að afsökunarbeiðni væri vel til fundin.
„Ég biðst innilega afsökunar, Sævar! Og Þórhildur og allir ykkar aðstandendur og ástvinir. Það er að sjálfsögðu ekki sjálfkrafa vanræksla að þurfa að fá pössun til að sinna vinnunni. Það er morgunljóst. Bachelor núna?“
Sævar svarar henni þá um hæl og segir að afsökunarbeiðni sé móttekin. Þá svarar Hildur á öðrum stað og segir tíst Sævars, sem nú hefur verið eytt, sé leim. „Leim. Tístum eytt og allt það. Vil síður vakna við fyrirsagnir um þetta í fyrramálið. En til hamingju með sigurinn,“ skrifar hún og lætur broskalla fylgja.
„Þetta er samt eiginlega sögulegt,“ skrifar Stjörnu-Sævar þá. „Að rifrildi á twitter klárist og allir bara nokkuð sáttir. Gengst við því að þetta er leim en þetta skiptir mig svolítið miklu máli því ég elska strákinn minn endalaust og tek hlutverkið alvarlega. Vona að þú fyrirgefir mér leimið í þetta sinn :)“
Ég ætla að gera það. Má ég þá búast við því að þú dragir orð um vanrækslu til baka? Ég reiðist ekki oft en þetta reiddi mig og mína nánustu.
— Sævar Helgi Bragason (@saevarhb) January 25, 2021
Ég fórnaði stundum tíma með syni mínum til að vinna tiltekin verkefni. Kvöldfyrirlestrar, kennsla o.þ.h. Þegar það gerðist fór hann í pössun á meðan til ömmu og afa eða frænku og frænda. Það er nú öll „vanrækslan”. Það og aðeins það er umrædd fórn. Eins og fram kemur í podcastinu
— Sævar Helgi Bragason (@saevarhb) January 25, 2021
Hvernig er “minni tími með syninum”
— Elín Jónasdóttir (@elinbjon) January 25, 2021
sjálfkrafa vanræksla? Eru allir foreldrar í tveimur vinnum eða vinnu og námi að vanrækja börnin sín?
Geggjað að koma inn samviskubiti hjá heilu kynslóðunum og koma höggi á einhvern sem þú last um á netinu.
Já er vandlifað. Mér finnst reyndar að afsökunarbeiðni væri vel til fundin. Það er mjög löng leið frá “minni tími” yfir í vanrækslu og þú veist það alveg sjálf. Það er hins vegar ekki jafn líklegt til að fá viðbrögð við tísti.
— Elín Jónasdóttir (@elinbjon) January 25, 2021
Afsökun móttekin og tekin gild inn að hjarta. Já,,góður tími fyrir Bachelor.
— Sævar Helgi Bragason (@saevarhb) January 25, 2021
Þetta er samt eiginlega sögulegt. Að rifrildi á twitter klárist og allir bara nokkuð sáttir. Gengst við því að þetta er leim en þetta skiptir mig svolítið miklu máli því ég elska strákinn minn endalaust og tek hlutverkið alvarlega. Vona að þú fyrirgefir mér leimið í þetta sinn :)
— Sævar Helgi Bragason (@saevarhb) January 25, 2021