Bandaríkjamaðurinn Vincent Van Reynolds segir að hann sé maðurinn sem hljóp undan hrauninu í Geldingadölum um hádegið á föstudaginn. Hann birtir einnig myndband sem hann tók sjálfur af hrauninu flæða í átt að honum. MBL greindi fyrst frá.
Atvikið náðist á vefmyndavél.
Sjá einnig: Hljóp undan hruninu í Geldingadal
„Halló allir. Ég er þessi brjálæðingur úr íslenskum fréttum sem fór upp að gígnum, bara til þess að hlaupa niður þegar straumur hrauns rann af stað,“ segir Vincent í Facebook-hópinn Volcanoes.
Færsla hans féll í nokkuð grýttan jarðveg.
„Green Day bjó til lag bara fyrir þig: American idiot [bandarískur hálfviti]. Núna skil ég,“ segir einn netverji.
