Samfélagsmiðlastjörnurnar Edda Falak og Birgitta Líf eru gáttaðar á framferði fréttamanna hér á landi vegna meintra deilna þeirra á milli, eftir að Edda virtist bauna á Birgittu á Instagram í svörum sínum til fylgjenda sinna.
Aðdragandi málsins voru Instagram færslur Eddu frá því í gær. Þar gagnrýndi hún Ísey Skyrbar harkalega en samkvæmt heimildum Hringbrautar var ekki hægt að vigta innihaldsefnið í skyrskál Eddu, henni til mikils ama.
Þá fékk hún fyrirspurn frá fylgjenda, sem sagði að sér þætti skrítið að sjá Eddu leyfa sér að drulla yfir allt og alla. Sagði Edda að þar væri á ferðinni mjög einlæg og krúttleg athugasemd.
Birgitta tók þetta til sín
„En mér gæti ekki verið meira sama um hvort ísey skyrbar sé í sárum þar sem eg fekk galið lélega þjonustu og vonda skál,“ skrifar samfélagsmiðlastjarnan. Hún segist aldrei munu hætta vera hreinskilin.
„En ef þú vilt skoða einhverja omaggio vasa og balenciaga peysur þá ráðlegg ég þér að hoppa yfir á Lindu Ben eða Birgittu Líf because they maybe more your type and doing pretty things.“
Svo virðist vera sem að Birgitta Líf hafi tekið ummælum Eddu sem gagnrýni, enda nokkuð auðvelt að túlka þau þannig. Í næstu færslu sinni á Story svæðis miðilsins lét hún mynd Kristínu Péturs, sem einmitt er barnsmóðir Binna Löve, núverandi kærasta Eddu Falak, fylgja með orðunum:
„Daglega gym peppið fyrir þá sem followa mig bara fyrir 'omaggio og balenciaga,'“ og lét hún flippaða broskalla fylgja.
Samfélagsmiðlastjörnur og meint ósætti og sætti þeirra á milli hafa vakið mikla athygli undanfarnar vikur. Í síðustu viku gerði Hringbraut meðal annars meintum vinslitum meðal Sólrúnar Diego og Camillu Rutar skil. Báðar gerðu þær lítið úr fréttaflutningnum og bentu á að það væri nú kóf í gangi.
Sjá einnig: Um þetta snýst ósætti Sólrúnar og Camillu: „Hún er að bíða eftir afsökunarbeiðni“
Sögulegar sættir eftir orðsendingu blaðamanns
Svo virðist vera sem að Edda, sem þekkt er fyrir hispurslausa gagnrýni sína í garð ótýnds starfsfólks skyrbara og annars þjónustufólks, hafi séð að sér eftir ummælin í garð starfssysturs sinnar.
Tók hún til Instagrams að nýju, þar sem hún ávarpaði fylgjendur sína vegna málsins. Sagði hún marga hafa spurt sig hvers vegna hún væri að ausa úr skálum reiði sinnar yfir Birgittu.
„Ég ákvað að addressa eitt. Fólk er að senda á mig, af hverju ertu að gera lítið úr Birgittu. Ég ákvað að gera það því hún deadar meira en ég, svo ég ákvað að láta sjálfri mér líða aðeins betur. Djók,“ segir Edda.
„Málið er að þetta átti alls ekki að koma þannig út að ég væri að gera lítið úr henni, hún var tekin inn í þetta vegna þess að ég skrifaði balenciaga, sem er bara næs merki skilurðu, allavega þetta átti ekki að koma þannig út, ég væri náttúrulega ekki að followa birgittu nema mér finndist hún hellað nett, þannig já, bara don't overthink it,“ segir stjarnan, sem minntist ekkert á starfsfólk Ísey Skyrbars að þessu sinni.
„En ætli við sjáumst ekki bara á DV á morgun, Edda gerir lítið úr Birgittu Líf. Segi svona, það væri eitthvað, en kæmi mér ekki á óvart,“ segir Edda.
Því næst birtir Birgitta skjáskot af skilaboðum Eddu til hennar, þar sem má sjá orðsendingu blaðamanns DV til þeirra beggja, sem vill augljóslega fá að heyra í þeim vegna málsins. Svo virðist vera sem að orðsendingin hafi stuðlað að sögulegum sættum meðal þessara samfélagsmiðlastjarna, en ekki er að sjá að Birgitta sé eitthvað ósátt lengur út í Edduna, enda báðar nú sameinaðar, hneykslaðar gegn einum óvin; DV.
„Í alvörunni? Ég hef sagt þetta áður og segi enn, hvað í ósköpunum gengur á í "fréttamennsku" á Íslandi?“ spyr Birgitta. „Á ekki orð og dettur aldrei í hug að svara. Þetta er ástæðan,“ skrifar samfélagsmiðlastjarnan Birgitta.
„#1 það er ekkert mál. #2 er ekkert annað mikilvægara að gerast,“ skrifar samfélagsmiðlastjarnan aftur.