„Já, ég er það. Nú gefst tækifæri til að skoða þessi orkupakkamál betur og þó að einhverjir sjálfstæðismenn hafi ekki viljað skipa þessa formlegu nefnd þá verður hægt að vinna í þessu í sumar og leggja niðurstöðurnar fyrir utanríkismálanefnd. Það er mjög jákvætt.“
Þetta sagði Sigmundur Davíð Gunnlaugsson formaður Miðflokksins í samtali við RÚV þegar ljóst var að samkomulag um að þinglok væru í höfn. Þriðja orkupakkanum hefur verið frestað þar til í lok ágúst. Bjarni Benediktsson fjármálaráðherra kveðst sáttur og segir að ríkisstjórnin nái nú að ljúka sínum málum. Hann er þó ósáttur við hvernig þingstörf hafa þróast á síðustu vikum. Segir Bjarni að of auðvelt sé að taka þingið í gíslingu. Á sama tíma fagnar Sigmundur Davíð.
Bjarni sagði í samtali við RÚV.
„Ég er hins vegar ekki sáttur við það hvernig þingið hefur þróast og að við skulum vera komin svona langt út fyrir starfsáætlun, en það er ekki í fyrsta skipti.“
Sigmundur Davíð birti mynd þar sem hann stendur ásamt systur sinni. Þar fagnar Sigmundur niðurstöðunni. Sigmundur Davíð segir:
„Málin leystust um leið og systir mín mætti á svæðið. Það er ekki í fyrsta skipti.“
