Sema Erla Serdar, formaður hjálparsamtakanna Solaris, sagði frá því á Twitter í kvöld að Útlendingastofnun hafi afbókað læknistíma fyrir veikan flóttamann vegna þess að hann er ekki lengur í þjónustu hjá íslenska ríkinu.
Þá segir hún að fjórtán flóttamenn búi nú á götunni eftir að hafa verið vísað út af úrræði Útlendingastofnunar en samkvæmt Fréttablaðinu eru flestir mannanna frá Palestínu en einnig frá Afganistan, Írak, Sýrlandi og fleiri löndum.
„Þið hélduð kannski að stjórnvöld myndu láta sér nægja að svipta þá þaki yfir höfuðið og matarpening. Nei, nú er verið að afbóka læknisheimsóknir fyrir veika menn. Pælið aðeins í hversu sjúkt þetta er. Þetta réttlætir dómsmráðh“ segir Sema á Twitter.
Sema segist ekki geta séð lagalega réttlætingu á aðgerðum Útlendingastofnunar og hún býst við því að fleiri Útlendingastofnun muni úthýsa fleiri hælisleitendum á næstu dögum.
Jæja! Nú eru 14 flóttamenn á götunni á Íslandi. Þið hélduð kannski að stjórnvöld myndu láta sér nægja að svipta þá þaki yfir höfuðið og matarpening. Nei, nú er verið að afbóka læknisheimsóknir fyrir veika menn. Pælið aðeins í hversu sjúkt þetta er. Þetta réttlætir dómsmráðh 🤮
— Sema Erla (@semaerla) May 25, 2021
