Dálítið uppnám varð í Laugardalshöll fyrir skömmu þegar bóluefni AstraZeneca kláraðist. Bólusetja átti fólk með seinni skammti bóluefnisins í dag en vegna þess að færri skammtar komu en búist var ekki að halda þeim plönum óbreyttum.
Ragnheiður Ósk Erlendsdóttir, framkvæmdastjóri hjúkrunar á Heilsugæslu höfuðborgarsvæðisins, staðfesti þetta í samtali við Fréttablaðið.
„Við erum að ákveða að bjóða fólki Pfizer í seinni skammt. Við fengum ekki alla þá skammta sem við bjuggumst við, það fór út á land einhver slatti, þannig við fengum ekki alla. En þá ætlum við að taka á þetta ráð að bjóða bara Pfizer í seinni, þetta er svipað og önnur lönd eru að gera, að bjóða AstraZeneca í fyrri og Pfizer í seinni, þannig við höfum alveg fulla trú á að fólk þiggi þetta,“ sagði Ragnheiður.
Ef fólk vill ekki blanda efnunum þá getur það beðið að sögn Ragnheiðar. „Það getur þá beðið. Það verður líklega eftir svona tæpar tvær vikur en okkur skilst að það sé að koma meira til landsins af AstraZeneca í lok næstu viku.“
