„Ég er búinn að læra ýmislegt í þjálfun og ef ég þjálfa einn daginn 8-9 ára krakka aftur þá veit ég að ég get ekki leyft mér að bulla endalaust í þeim.“
Þetta segir knattspyrnumaðurinn Albert Brynjar Ingason sem er trúlega með skemmtilegustu Íslendingunum á Twitter. Albert birti skemmtileg skjáskot frá þeim tíma þegar hann var þjálfari sjötta flokks Fylkis veturinn 2017/2018.
Í fyrra skjáskotinu, Facebook-skilaboðum sem líklega eru frá einhverju foreldri, segir: „Hæ hæ hér komu menn úber spenntir og segjast vera fara til Færeyja, staðhæfa að þið hafið sagt það. Er þetta rétt?“
Í seinna skjáskotinu má sjá þegar Albert reynir að útskýra fyrir foreldrum og forráðamönnum að um grín var að ræða.
„Góðan daginn.
Best að leiðrétta eitt, Weetos-mótið er haldið á Tungubökkum í Mosfellsbæ en ekki í Færeyjum.
Ég var aðeins að grínast í strákunum, og ekki alveg allir sem áttuðu sig á því.
Svo ekki bóka í Norrænu!“
Ég er búinn að læra ýmislegt í þjálfun og ef ég þjálfa einn daginn 8-9 ára krakka aftur þá veit ég að ég get ekki leyft mér að bulla endalaust í þeim. pic.twitter.com/SuWae0ez1H
— Albert Ingason. (@Snjalli) September 22, 2020
