Tara Margrét Vilhjálmsdóttir, fyrrverandi formaður Samtaka um líkamsvirðingu og einn helsti talsmaður landsins gegn fitufordómum er ekki ánægð með Aðalstein Arnarson skurðlækni á Klíníkinni.
Aðalsteinn sagði á Vísi í gærað gríðarleg fjölgun hefur orðið á magaerma-og hjáveituaðgerðum hér á landi síðustu tvö ár og að slíkar aðgerðir eta komið í veg fyrir alvarlega sjúkdóma eins og krabbamein. Úrelt sé að segja of feitu fólki að borða minna og hreyfa sig meira. Talið er að einn af hverjum þremur Íslendingum sé of þungur og hluti þeirra gími við offitu.
Þá sagði hann Klíníkina stefna að því nú að bjóða líka upp á sálfræði-eða geðlæknaaðstoð samfara slíkum aðgerðum því oft sé offita flókinn vandi. Aðalsteinn segir hins vegar að ávinningur aðgerðanna sé gríðarlega mikill fyrir langflesta og hún geti komið í veg fyrir alvarlega sjúkdóma eins og sykursýki og kæfisvefn.
„Ofþyngd hefur mjög neikvæð áhrif á nokkrar tegundir krabbameina. Þannig er tíðni krabbameina í brjósti alltaf tvöföld hjá konum í yfirþyngd samanborið við konur í kjörþyngd. Þannig að það er mikill ávinningur af því að vera í kjörþyngd eða komast þangað,“ segir Aðalsteinn.
Síðustu tvær málsgreinarnar fóru illa í Töru sem tók skjáskot af þeim og deildi á samfélagsmiðlum.
„Þetta er gjörsamlega óþolandi og ógeðslega fullyrðing í ljósi þess að það er vel þekkt og viðurkennd útskýring á hærri krabbameinstíðni feitra að það fær ekki greiningu eða þorir ekki að leita til læknis vegna fitufordóma,“ skrifar Tara.
„Sl. vetur steig fram ung kona til að segja sögu sína af slíkri reynslu og sýndi þar með fádæma hugrekki og styrk. Höldum minningu hennar á lofti.Hinn meinta ávinning fær Aðalsteinn svo úr rannsóknum sem bera saman fólk sem hefur alltaf verið grannt við feitt fólk. Ekki grannt fólk sem var einu sinni feitt (hvað þá fólk sem hefur farið í aðgerð) við feitt fólk. Útskýringin á því er einföld,“ bætir hún við.
„Það eru ekki til langtíma rannsóknir af nægilega háum gæðastandardi af fólki sem var einu sinni feitt. Aðallega því að það er næsta ómögulegt að gera feitt fólk að grönnu fólki í langs tíma. Hvort sem það fór í aðgerð eða ekki.Þetta er því ályktun sem hann getur með engu móti dregið. En gerir það samt því að það þarf að selja fleiri aðgerðir og gera fleiri samninga við ríkið,“ skrifar Tara að lokum.
2. Sl. vetur steig fram ung kona til að segja sögu sína af slíkri reynslu og sýndi þar með fádæma hugrekki og styrk. Höldum minningu hennar á lofti.
— Tara Margrét V. (@taramv87) September 21, 2022
