Sprenghlægilegt myndband úr hlaðvarpinu Chess after Dark fer nú eins og eldur um sinu á samfélagsmiðlum. Það eru þeir Birkir Karl Sigurðsson og Leifur Þorsteinsson sem stjórna hlaðvarpinu.
Í umræddu myndbandi misskilja þeir félagarnir gest sinn Kára Stefánsson, forstjóra Íslenskrar erfðagreiningar.
Birkir Karl deilir myndbandinu sjálfur á Twitter síðu sinni. Kári ræðir í þættinum við þá félaga á meðan þeir tefla um ýmislegt, líkt og feril Kára og ævi.
Virðist Kári vera að tala um rannsóknarstofu vísindamanns en þeir Birkir og Leifur eru ekki að kveikja á perunni, og halda að Kári segi: „Rassmotovic swisstomasz“, en það er að öllum líkindum algjört bull.
Sjón er sögu ríkari:
Rassmotovic swisstomasz pic.twitter.com/q7t1ZPXMKl
— Birkir Karl Sigurðsson (@birkirkarl) July 28, 2022