Sóley Tómasdóttir, fyrrverandi borgarfulltrúi VG og femínisti, lagði orð í belg um fjárkúgunarmálið sem er á allra vörum í dag en Vitalía Lazareva og Arnar Grant hafa verð kærð til héraðssaksóknara fyrir tilraun til fjárkúgunar, hótanir og brot gegn friðhelgi einkalífs.
Fréttablaðið greindi frá málinu í dag en það á rót að rekja til samkvæmis í sumarbústað í Skorradal í október 2020.
Arnar og Vítalía eru sögð hafa í sameiningu staðið að atburðarrás og reynt að hafa fé af þremenningunum sem Vitalía sakaði um að hafa brotið á sér kynferðislega.
„Ég vildi óska að lögreglan hefði þekkingu og mannskap til að rannsaka valdamisræmi og misbeitingu eldri karla á konum í viðkvæmri stöðu. En það virðist öllum vera drull. Þannig styrkist valdakerfið og karlarnir sem misnota konur,“ skrifar Sóley og deilir hlekk með fréttinni.
Hátt í tuttugu manns hafa líkað við færslu Sóleyjar en þá spyr Ingunn Loftsdóttir í athugasemd af hverju þeir kærðu ekki strax?
„Svo týpískt - bíða hæfilega lengi og koma svo með kórdrengja málsókn. Hvítþvottur og tengist eflaust einhverju valdabrölti innan viðskiptaheimsins. Afhverju kærðu þeir ekki strax ?,“ skrifar Ingunn.
Svo týpískt - bíða hæfilega lengi og koma svo með kórdrengja málsókn. Hvítþvottur og tengist eflaust einhverju valdabrölti innan viðskiptaheimsins. Afhverju kærðu þeir ekki strax ?
— Ingunn Loftsdóttir (@Ingunnlo) June 28, 2022
