Morgunblaðið greindi frá því í blaði dagsins að skotvöllurinn á Álfsnesi við Kollafjörð fengi nýtt starfsleyfi. Starfsemi á vellinum hefur legið niðri í tvö ár vegna kærumála sem komu upp vegna starfseminnar.
Hljóðmælingar og aðrar athuganir á svæðinu leiddu í ljós þær niðurstöður að hávaði og önnur röskun væri langt undir öllum viðmiðunarmörkum.
Umræða hefur myndast vegna málsins á Facebook hópnum „Skotveiðispjallið“ en þar setur einn inn færslu með textanum: „Ótrúlegt hvað er hægt að draga hluti út af smá væli.“
„Sumir eiga bara ekki að búa í þéttbýli. Það er allt að trufla fólk bílar, flugvélar, fótboltavellir, barir og auðvitað skotsvæði. Svona fólk á að búa bara lengst upp í sveit,“ segir einn í athugasemd við færsluna.
„Öfgarnir eru ótrúlegir hjá íbúum Grundahverfis sem héldu því fram að hávaðinn væri 100db! Vegalengdin á milli Álfsness og hverfisins er u.þ.b. 3,5 km,“ segir annar.
„Fínt að halda því til haga að ALLAR mælingar voru ..LANGT UNDIR öllum viðmiðunum. Bara svona af því að við erum mjög gjarnan ljótir byssukarlar og konur.“