„Vonandi eru þið stolt af þessum skemmdarverkum þið sem voruð hér að skemma.“
Þetta skrifar íbúi á Selfossi inni á íbúahópi Selfyssinga á Facebook. Hún lætur þar fylgja með myndir af leikvelli þar sem má sjá stórskemmdir.
Í færslunni segir hún að hún hafi séð veipandi unglinga sem jafnframt hafi skilið eftir stubba. „Hvernig væri nú að foreldrar færu nú aðeins að tala við krakkana sína um umgengni og virðingu.“
Færslan hlýtur mikil viðbrögð inni á hópnum. „Hvað er eiginlega að frétta aldrei neitt sem fær að vera í friði. Þetta er varla ársgamalt dót þarna á vellinum,“ skrifar Nína Bj Borgarsdóttir og kalla íbúar eftir að skemmdarverkin verði kærð til lögreglu.
Mynd/Facebook
