Það tók einn frægasta sjónvarpskokk landsins fimm daga að mála andlitsmynd af einum vinsælasta útvarpsmanni landsins. Þetta kom fram í útvarpsþættinum Brennslunni í morgun þar sem hulunni var svipt af verki Jóa en það má sjá hér að neðan.
„Þessi tók sirka fimm, sex daga og það var reyndar smá pressa,“ sagði Jói Fel um málverkið en hann var leynigestur í þættinum. „Ég var með andlitið á þér, smettið á þér, fyrir framan mig alla páskana,“ segir Jói Fel við Rikka.
Jói segist alltaf hafa haft ástríðu fyrir þvi að mála. „Ég hef alltaf verið að teikna og mála. Þetta er bara meðfætt eins og hjá mörgum. Svo hef ég haft rosalega góðan tíma undanfarið að ég hef verið að mála og mála.“
Jæja þá er Jói Fel bara búinn að mála mann. pic.twitter.com/IozUXHPbQV
— Rikki G (@RikkiGje) April 7, 2021
