Það er jafnan mikið um að vera hjá Fjölskylduhjálp Íslands þá daga sem matarúthlutun fer fram. Meðfylgjandi myndband var tekið í morgun, eða í þann mund sem undirbúningi fyrir úthlutun sem hófst klukkan 13 í Iðufelli lauk. Úthlutunin stendur til 16 í dag og svo aftur á morgun.
Í tilkynningu frá Fjölskylduhjálpinni kemur fram að í síðustu viku hafi 230 heimili fengið mataraðstoð síðastliðinn miðvikudag og fimmtudag í Reykjanesbæ.
Alls munu 400 heimili fá mataraðstoð í dag og á morgun hjá Fjölskylduhjálpinni í Iðufelli. Í tilkynningunni segir að loka hafi þurft fyrir umsóknir þegar þær voru komnar í 400 og því hafa líklega færri fengið en vildu.
