Skotárásin í Hafnarfirði í morgun verður rannsökuð sem tilraun til manndráps en skotið var á að minnsta kosti tvær bifreiðar fyrir utan Miðvang 41 og var ökumaður í annarri þeirra þegar skotárásin átti sér stað, samkvæmt RÚV.
Vísir.is greinir frá því að maðurinn í annarri bifreiðinni sem skotið var á, með sex ára gamlan son sinn þegar skotin dundu á bifreiðinni, þeir feðgar hafi verið á leið í leikskólann þegar atvikið átti sér stað.
Í samtali við Vísi segir faðirinn uppákomuna vera mikið áfall en þeir feðgar búa ekki við Miðvang.
Mikill viðbúnaður lögreglu og sérsveitarinnar var á svæðinu sem var allt afgirt en umsátur lögreglunnar stóð yfir í rúmar fjórar klukkustundir áður en maðurinn gaf sig sjálfviljugur fram um tuttugu mínútur yfir tólf í hádeginu í dag.
Maðurinn sem er á sjötugsaldri var handtekinn og færður á lögreglustöðina til yfirheyrslu. Samkvæmt upplýsingum frá lögreglu þykir mikið mildi að ekki fór verr þegar maðurinn skaut á bifreiðina með ökumanni í.