„Óháð því hvað rannsókn á málum Samherja mun leiða í ljós þá hafa viðskiptin valdið félaginu gríðarlegu tjóni nú þegar.“
Þetta segir einn umsagnaraðila Markaðarins í frétt um verstu viðskipti ársins en þar er Samherjamálið í þriðja sæti vegna umsvifa félagsins í Namibíu.
Málið hefur vakið athygli langt út fyrir landsteina og hefur meðal annars breska stórverslunin Sainsbury\s hætt öllum sínum viðskiptum við íslenska fiskvinnslufyrirtækið.
Svo gæti farið að breska stórverslunarkeðjan Marks & Spencer geri það líka og hafa forsvarsmenn keðjunnar sagst fylgjast náið með málinu. Samherjamálið ítrekað sagt geta haft mikil áhrif á íslenskan sjávarútveg og þannig valdið stórtjóni fyrir íslenskt efnahagslíf.
„Ef umfjöllun fjölmiðla reynist rétt þá mun þetta mál ekki bara hafa áhrif á Samherja heldur á íslenskan sjávarútveg í heild sinni. Það mun renna stoðum undir málflutning þeirra sem vilja bylta sjávarútvegskerfinu sem gæti valdið ómældu tjóni fyrir atvinnugreinina og íslenskt efnahagslíf