Laun Þórs Sigurgeirssonar, bæjarstjóra Seltjarnarnes hafa vakið mikla athygli, en eldheitar umræður hafa skapast um málið á samfélagsmiðlum.
Ráðning Þórs var staðfest á bæjarstjórnarfundi í gær og telja fulltrúar minnihlutans að laun Þórs upp á 1.833.333 krónur á mánuði, auk bílastyrks upp á 63.500 krónur og þóknun fyrir setu í bæjarstjórn sem gera launin að 2.177.241 krónu allt of há. Fréttablaðið greindi frá þessu.
Á facebook-hópnum Íbúar á Seltjarnarnesi veltir einn íbúi fyrir sér laununum og segir þau galin.
„Sá þessa umræðu á Twitter. Hvernig má þetta vera? Eitt minnsta bæjarfélagið að greiða með því hærra til bæjarstjóra. Er ég einn um að finnast þetta galið?“
Hann birtir skjáskot af umræðunni á Twitter þar sem einn notandi bendir á að hver íbúi borgar 4700 kr. á ári fyrir laun bæjarstjórans
„Hann fær 383 kr frá hverjum íbúa sveitarfélagsins á mánuði. Það er algjörlega truflað! Hver íbúi er að greiða 4700 kr á ári fyrir bæjarstjórann. Það er eins og DBE væri með 51 milljón í mánaðarlaun.“