T ónlistarmaðurinn Pétur Örn Guðmundsson rauf þögnina í dag og birti færslu á Facebook en lítið hefur til hans sést á samfélagmiðlum eftir að söngkonan Elísabet Ormslev steig fram í viðtali við Fréttablaðið og sagði frá sambandi sínu við Pétur.
Elísabet nefnir aldrei Pétur á nafn en samkvæmt DV.is var augljóst að um hann væri að ræða. Hljómsveitirnar Buff og Dúndurfréttir sem Pétur Örn var meðlimur í slitu síðan samstarfi sínu við hann.
Pétur hefur látið lítið fyrir sig fara á samfélagsmiðlum síðan þá en segir í frétt DV að hann þakkaði til að mynda fyrir afmæliskveðjur frá vinum sínum. Þetta þótti einhverjum vera of mikil viðvera á netinu og hefur ógeðsskilaboðum ringt yfir Pétur.
Hann birti skjáskot af nokkrum skilaboðunum á Facebook. Í þeim er honum sagt að „rotna í helvíti og að hann eigi ekki afturkvæmt í samfélagið.
„Djöfull geturðu verið siðblindur ógeðslegt þú skalt ekki voga þér að reyna koma þér aftur í samfélagið þú skalt rotna í kjallaraholunni þinni einn og yfirgefinn ég vorkenni kettinum þínum að þú skulir vera eigandi hans það er greinilegt að þú getir ekki fengið þér hjálp og það sést þannig rotnaðu í helvíti.“
Pétur segir að þetta hafi verið skilaboðin sem hann fær fyrir að reyna að stíga aftur inn í samfélagið.
Hann spyr síðan hvort það sé svona sem líf þeirra útskúfuðu eigi virkilega að vera?
„Eftir mjög erfiða tíma hef ég hætt mér hægt og bítandi út úr skelinni minni á samfélagsmiðlum og þá fæ ég þetta sent. Á líf hins útskúfaða virkilega að vera svona?“
