Öfgar koma með til­lögur að laga­breytingum: „Barna­níðingar þurfi að vera merktir og mega ekki nota tölvur eða snjall­síma“

Bar­áttu­hópurinn Öfgar deilir hljóð­broti úr nýja hlað­varps­þætti sínum Út í Öfgar á Twitter í dag. Þar er velt upp ýmsum hug­myndum um hvernig væri hægt að gera laga­breytingar til að taka harðar á kyn­ferðis­brota­málum og barna­níðingum.

Með færslunni skrifa Öfgar: „Hvernig væri að breyta lögunum og hafa mark­vissari dóma? Eins og að barna­íðingar þurfi að vera merktir svo al­menningur viti af þeim? Finnist barna­níðs­efni máttu ekki nota tölvur aftur. Hvað dettur ykkur í hug?“

Þá er hægt að hlusta á hljóð­brot úr þættinum þar sem hug­myndunum er velt upp en þar kemur meðal annars fram að í Bret­landi er barna­níðingum bannað að nota tölvur.

„Þú greini­lega getur ekki notað inter­netið lil­le ven,“ heyrist í hljóð­brotinu sem hægt er að hlusta á hér að neðan.

Hægt er að hlusta á hlað­varps­þáttinn í heild sinnihér.

Sound úr seinasta þætti.
Hvernig væri að breyta lögunum og hafa markvissari dóma?
Eins og að barnaíðingar þurfi að vera merktir svo almenningur viti af þeim?
Finnist barnaníðsefni máttu ekki nota tölvur aftur.
Hvað dettur ykkur í hug?
Hlustið hér. https://t.co/9RxrM4izsx pic.twitter.com/OB2QiNBaPr

— Öfgar (@ofgarofgar) July 25, 2022