Eitt krúttlegasta einbýlishús landsins – og þótt víðar væri leitað – er nú til sölu. Húsið sem um ræðir er aðeins 46,2 fermetrar og kostar það 25,5 milljónir.
Það er fasteignasalan ALLT fasteignir sem selur húsið sem er í Vogagerði í Vogum. Í lýsingu fasteignasölunnar segir að húsið sé einstaklega skemmtilegt og huggulegt og auk þess á barnvænum og vinsælum stað í Vogunum.
Eins og gefur að skilja eru ekki mörg herbergi í húsinu og raunar aðeins eitt svefnherbergi með ágætu skápaplássi. Húsið var byggt árið 1944. Meðfylgjandi eru myndir af þessu skemmtilega húsi. Hér má nálgast nánari upplýsingar.