Rithöfundurinn Halldór Armand segir það ekki koma sér á óvart að sjá fregnir af mikilli andstöðu við núverandi venjubundna opnunartíma skemmtistaða. Halldór ræðir málið á Twitter.
Tilefnið eru fréttir af því að 63,7 prósent landsmanna vilji að skemmtistöðum sé lokað fyrr á næturna. Þetta kom fram í skoðanakönnun sem Maskína framkvæmdi fyrir Stöð 2.
Halldór segir að það komi sér ekki á óvart. „Kemur ekki á óvart sjá nýjustu fréttir af almennri djammandstöðu. Svona sigrar óttinn. Erum andlega á þeim stað að meirihluti fólks myndi kveikja í húsinu sínu ef það væri sagt virka vel gegn veirunni,“ skrifar Halldór.
Þá vísar hann næst í pistil sinn sem vakti gríðarlega athygli í júní. Pistillinn ber nafnið „Ekkert er útilokað í leikskólalandi“ og ræðir Halldór þar orðræðuna um skemmtanalífið í landinu.
„Til hvers er djammið? Af lýsingum lögreglunnar að dæma gæti maður haldið að þetta sé fyrst og fremst vettvangur fyrir fólk til þess að láta limlesta sig og misnota,“ skrifar Halldór.
Kemur ekki á óvart sjá nýjustu fréttir af almennri djammandstöðu. Svona sigrar óttinn. Erum andlega á þeim stað að meirihluti fólks myndi kveikja í húsinu sínu ef það væri sagt virka vel gegn veirunni.
— Halldór Armand (@HalldorArmand) July 27, 2021
Minni því á þessi skrif!👇 https://t.co/2ugXgCVgIW