Kristján Þór Magnússon, oddviti Sjálfstæðismanna og sveitarstjóri Norðurþings, hættir sem sveitarstjóri eftir kosningar í vor. Frá þessu greindi hann á sveitarstjórnarfundi í dag.
Fyrir skömmu kom hann aftur til starfa eftir veikindaleyfi. Tveir flokkar í sveitarstjórn hafa nýlega gagnrýnt framgöngu hans í embætti.
„Ég mun ekki sækjast eftir starfi sveitarstjóra og mun ekki bjóða mig fram fyrir sveitarstjórnarkosningarnar hér í Norðurþingi,“ segir Kristján Þór í samtali við Fréttablaðið.
Hann hyggur ekki á framboð annars staðar á landinu í vor.