Fjölmiðlamaðurinn Kjartan Atli Kjartansson hefur ákveðið að hætta í útvarpsþættinum Brennslan á FM957. Þátturinn hefur notið gríðarlegra vinsælda síðustu á en Kjartan Atli hefur verið umsjónarmaður þáttarins í fjögur og hálft ár.
„Kvaddi Brennsluna í dag. Frábær tími að baki, fjögur og hálft ár af galsa og gleði. Lærði helling, eignaðist nýja vini og naut þess að fá að vakna með hlustendum á morgni hverjum. Margar frábærar minningar standa eftir. Takk fyrir mig!,“ skrifar Kjartan Atli á twitter síðu sinni í kvöld.
Ekki er vitað hvort einhver kemur í stað Kjartans Atla en þau Júlíana Sara, Rikki G og Kristín Ruth standa eftir sem umsjónarmenn þáttarins.
