Katrín Halldóra Sigurðardóttir söng- og leikkona stendur í ströngu þessa dagana og fullt í gangi. Framundan hjá henni eru stórtónleikar í Eldborg á sunnudaginn þar sem hún mun syngja lög Jóns Múla við texta bróður hans Jónasar Árnasonar af plötu sem hún gaf út í fyrra. Svo er hún líka nýbúin frumsýna nýtt verk ásamt samstarfsfélögum sínum í Þjóðleikhúsinu. Þetta er verkið Ást og upplýsingar eftir breska leikskáldið Caryl Churchill sem hefur hlotið mikið lof. Katrín gaf sér þó tíma á milli stríða til að hitta Sjöfn Þórðar og bauð henni heim.
Í þættinum Matur og Heimili í kvöld fer Sjöfn í heimsókn til Katrínar á heimilið hennar þar sem hún og hundurinn hennar Edith tóku vel á móti henni. Sjöfn fær innsýn í heimilisstíl Katrínar og hvað það er sem hana finnst gera heimili að heimili.
„Mér finnst það vera hlutirnir sem fólk hefur safnað að sér og þykir vænt um og maður getur oft séð húmor og áhuga fólks í gegnum heimilið þeirra. Hver með sinn karakter,“ segir Katrín og er einstaklega hrifin af myndlist sem er skemmtileg.
Fallegt verk prýða heimilið og plötuspilarinn sómir sér vel fyrir vínyl plöturnar.
Katrín hefur prófað alls konar störf með hún var í leiklistarnáminu og flettir ofan af nokkrum þeirra í þættinum í kvöld. Þegar kemur að listrænum hæfileikum Katrínar þá leynast þeir víða og þegar kemur að hæfni hennar er matargerð ljóstrar hún því upp að hún á náfrænda sem er landsfrægur kokkur. „Þar sem von var á þér í heimsókn ákvað ég að skella í eina hráköku sem nýtur mikilla vinsælda hjá vinum og vandamönnum og er óspart pöntuð,“ segir Katrín og dregur fram dýrðlega hráköku.
Meira heimilislíf og leynda hæfileika Katrínar í þættinum Matur og Heimili á Hringbraut í kvöld klukkan 19.00 og aftur klukkan 21.00.
Hægt er að sjá brot úr þætti kvöldsins hér:
