Fyrirhuguð aðild Svíþjóðar og Finnlands að Atlandshafsbandalaginu hefur fengið mikinn stuðning í Evrópu en veldur einnig titringi. Þótt stuðningur við aðild hafi aukist innan umsóknarríkjanna tveggja er málið stórpólitískt. Svo er einnig hér á landi.
Þetta kemur fram í frétt Fréttablaðsins en Finnland og Svíþjóð sóttu formlega um aðild að Atlantshafsbandalaginu (NATO) í vikunni.
Andstaða við aðild Íslands að NATO hefur verið grundvallarstefna Vinstri grænna frá stofnun flokksins. Þegar Norður-Makedónía gekk í NATO sátu þingmenn VG ýmist hjá í atkvæðagreiðslunni eða voru fjarverandi.
Katrín Jakobsdóttir forsætisráðherra segist ætla styðja umsókn Finna og Svía þegar greitt verður atkvæði um umsóknina á Alþingi í dag. . Hún segir málið hafa þverpólitískan stuðning hérlendis og býst við að þingið afgreiði málið fljótt eftir að tillaga um það verður lögð fram á Alþingi.
„Við stöndum með lýðræðislegri niðurstöðu Finna og Svía og munum greiða fyrir þessu máli í gegnum Alþingi,“ segir Katrín í samtali við Fréttablaðið.
Hún segir málið hafa þverpólitískan stuðning hérlendis og býst við að þingið afgreiði málið fljótt eftir að tillaga um það verður lögð fram á Alþingi.
Katrín segist hafa fullan skilning á aðstæðum Svíþjóðar og Finnlands og telur ekki að aðild þeirra að NATO muni spilla friðinum sem ríkt hefur á Norðurlöndum.
„Ég tel þetta muni styrkja rödd Norðurlandanna,“ segir Katrín og bendir á að sameiginlegt markmið Norðurlandanna hefur verið að halda Norðurslóðum og Norðurlöndunum sem lágspennusvæði.
Hægt er að lesa umfjöllun Fréttablaðsins hér.