Handboltakappinn Björgvin Páll Gústafsson hefur mikið álit á Kára Stefánssyni og segir hann hafa stórt hjarta í hlaðvarpsþætti Sölva Tryggvasonar.
Fékk ofsakvíðakast á stórmóti
Björgvin hefur síðastliðið ár unnið að því að hanna leiðir til að leggja lóð sitt á vogarskálarnar og fara inn í grunnskóla landsins til að hjálpa börnum og unglingum á Íslandi að vera í andlegu jafnvægi á skrýtnum tímum.
Sjálfur glímir hann við kvíða og lýsti því þegar hann fékk ofsakvíðakast á miðju stórmóti. „Ég fékk alls konar galnar ranghugmyndir.“ Til að aðstoða börn sem glíma viða álíka kvíða að finna orsök þess. Með sér í lið fékk hann að sjálfsögðu Kára Stefánsson, forstjóra Íslenskrar Erfðagreiningar.
Óstöðvandi teymi
,,Hann er svona minn stuðningsaðili í þessu öllu saman,“ sagði Björgvin. Eiginkona Kára, Valgerður Ólafsdóttir, er einnig lykilaðili í verkefninu þar sem hún hefur yfirumsjón með Velferðasjóð barna sem kemur að málinu.
„Þegar Valgerður og Kári hafa trú á þér, þá gefur það þér ansi mikinn kraft, þar sem þau eru miklar fyrirmyndir fyrir mér.“ Björgvin segir Kára vera með risastórt hjarta og að það gefi honum byr undir báða vængi að hljóta aðstoð hans. „Það er ekkert sem stoppar mig í þessu núna.“
Mikilvægt fyrir börnin
Handboltastjarnan fundaði á dögunum með Lilju Alfreðsdóttur, menntamálaráðherra, og segir spurninguna núna bara vera hversu stórt verkefnið verður í menntakerfinu.
„Þetta er miklu meira en bara ég að blaðra um mína forsögu. Þetta er verkefni sem ég held að sé mjög mikilvægt fyrir krakkana.“ Þáttinn í heild má nálgast hér að neðan.