Þórdís Kolbrún Reykfjörð Gylfadóttir utanríkisráðherra vakti hörð viðbrögð með tísti sínu í gær þar sem hún vitnaði í bandaríska mannréttindafrömuðinn Martin Luther King Jr. en í gær var afmælisdagur hans og er dagurinn frídagur vestanhafs.
“Our lives begin to end the day we become silent about things that matter.” The wisdom of Dr Martin Luther King never loses its relevance, especially during times when many of the basic rights we may have thought to be secured and guaranteed have been challenged. #MLKDay
— Þórdís Kolbrún Reykfjörð Gylfadóttir (@thordiskolbrun) January 17, 2022
Netheimar loguðu vegna tístsins og fóru margir mikinn á Twitter vegna þessa og töldu hana vitna til orða King Jr. í tengslum við umræðu um samkomutakmarkanir.
Jón Magnús Jónsson blandar sér í umræðuna á Facebook og segir sér blöskra vegna þessa.
„Ótrúlega sorglegt að sjá íslenskan utanríkis- og þróunarsamvinnuráðherra nota afmælisdag MLK Jr. til að líkja forréttindabaráttu sinni við mannréttindabaráttu svartra í Bandaríkjunum“, skrifar hann.
Martin Luther King Jr. hafi stærstan hluta ævi sinnar barist fyrir mannréttindum svartra og annarra minnihlutahópa skrifar Jón en utanríkisráðherra „barist fyrir því að sérlega skæður heimsfaraldur hafi sem minnst áhrif á daglegt líf hennar og sinna nánustu.“
„Manni blöskrar“ skrifar hann að lokum.