Jón Gnarr, fyrrverandi borgarstjóri og grínisti, bendir á fyrirsögn RÚV þar sem fjallað er um hve lága skatta bandarískir auðmenn greiða, í Twitter færslu þar sem Jón ræðir kynvanda íslenskunnar.
Í fyrirsögn fréttarinnar, sem greinir frá því að auðmenn líkt og Jeff Bezos greiði lítinn sem engan skatt, er sagt að bandarískir auðmenn greiði „vinnukonuskatta.“
„Hér er ágætt dæmi um það sem ég kalla kynvanda íslenskunnar og þar sem djúpstæður og gildishlaðinn munur er gerður á kynjunum og orðunum maður og kona,“ skrifar Jón um málið.
„Ég er ekki með einfalda skyndilausn en við þurfum að ræða þetta. þetta gengur ekki.“
hér er ágætt dæmi um það sem ég kalla kynvanda íslenskunnar og þar sem djúpstæður og gildishlaðinn munur er gerður á kynjunum og orðunum maður og kona. ég er ekki með einfalda skyndilausn en við þurfum að ræða þetta. þetta gengur ekki pic.twitter.com/yFSj1iX3vT
— Jon Gnarr (@Jon_Gnarr) June 9, 2021