Einstaklingur sem greindist með COVID-19 utan sóttkvíar í gær er kominn í öndunarvél á gjörgæsludeild Landspítalans.
Þetta staðfestir Þórólfur Guðnason sóttvarnalæknir í samtali við mbl.is. Svo virðist vera sem einstaklingurinn hafi verið veikur í nokkurn tíma án þess að COVID-19 hefði verið staðfest.
„Þetta er hluti af því sem við erum alltaf að tala um, að biðla til fólks að hafa hægt um sig ef það finnur fyrir veikindum og fara í sýnatöku,“ segir hann í frétt mbl.is.
Tveir þeirra fimm sem greindust með COVID-19 í gær hafa verið lagðir inn á bráðamóttöku Landspítalans, en báðir greindust á höfuðborgarsvæðinu. Annar var í sóttkví.
Þórólfur sagði við Fréttablaðið í morgun að ekki hefði enn tekist að rekja smit þess sem greindist utan sóttkvíar.
Þeir tveir sem lagðir voru inn á spítalann vegna COVID-19 um helgina eru þeir einu sem liggja inni á Landspítalanum. Þrír voru útskrifaðir um helgina.
„Þetta hefur verið fólk á mjög breiðu bili sem þurft hefur að leggjast inn á sjúkrahús alveg milli rúmlega tvítugs og sjötugs,“ sagði Þórólfur við Fréttablaðið í morgun.
Alls hafa 6.519 greinst með COVID-19 á