Hrafnhildur Agnarsdóttir, fyrrum leikmaður KR í efstu deild, fékk sig full sadda af umræðunum í Facebookhópi stuðningsmanna Manchester United í gær.
Stuðningsmennirnir voru að ræða um Mason Greenwood, leikmann liðsins allar ákærur gegn honum voru látnar niður falla í gær.
Greenwood var ákærður fyrir tilraun til nauðgunar, stjórnandi hegðun og líkamsárás, allt gegn fyrrverandi kærustu sinni Harriet Robson. Myndir og myndbönd af henni blóðugri fóru í dreifingu á samfélagsmiðlum en málið var látið niðurfalla þegar „lykilvitni“ sem flestir telja að sé hún dróg framburð sinn til baka.
Greenwood hefur ekki spilað fótbolta í tvö ár vegna málsins en nokkrir stuðningsmenn vilja fá hann aftur í liðið.
„Mér sýnist við vera að fá magnaðan framherja loksins. Verður forvitnilegt að sjá á næstu vikum hvað verður,“ skrifaði einn.
„Geggjað að fá hann aftur. Þetta síðastliðna ár ætti að vera nægjanleg refsing fyrir hann ef hann er sekur,“ skrifaði annar.
Jæja þetta er orðinn veikari hópur en Mæðratipssamfélagið, takk fyrir samveruna,“ skrifaði Hrafnhildur.
Jæja þetta er orðin veikari hópur en Mæðratipssamfélagið, takk fyrir samveruna pic.twitter.com/GGX3cxq925
— Hrafnhildur Agnarsdóttir (@Hreffie) February 2, 2023
