Tryggingarfélagið Sjóvá hlaut nýverið verðlaunin umhverfisframtak ársins 2022 fyrir að huga vel að umhverfisáhrifum í starfsemi fyrirtækisins. Sjóvá fékk verðlaunin fyrir fjarskoðunarlausnina Innsýn og að vekja athygli viðskiptavina á umhverfislegum ávinningi sem fæst með framrúðuviðgerð í stað framrúðuskipta.
Blaðamaðurinn Helgi Seljan vekur athygli á verðlaununum á samfélagsmiðlinum Twitter, en hann telur að við séum öll í skítnum ef Sjóvá er að fá verðlaun fyrir sitt umhverfisframtak.
„Sjóvá er að fá umhverfisverðlaun atvinnulífsins fyrir Umhverfisframtak ársins, fyrir að sleppa því að skipta um framrúður viðskiptavina, með því að setja plástur á framrúður. Við erum proper fucked,“ segir Helgi.
„Munum að flokka!,“ segir Helgi að lokum.
Færsla Helga hefur slegið í gegn á Twitter og er hún kominn með yfir 100 „like“. Einn notandi svarar Helga og segir:
„Næst fær Landspítali verðlaunin fyrir að setja plástur á beinbrot í stað stálpinna.“
Annar segir: „Svo þarf Viðskiptaráð að verðlauna þá sem snillinga ársins að spara sér að skipta um rúður án þess að lækka framrúðutrygginguna.“
Sjóvá er að fá umhverfisverðlaun atvinnulífsins fyrir Umhverfisframtak árains, fyrir að sleppa því að skipta um framrúður viðskiptavina, með því að setja plástur á framrúður.
— Helgi Seljan (@helgiseljan) October 5, 2022
Við erum proper fucked.
Munum að flokka!
