Söngkonan Guðný María Arnþórsdóttir hefur greinst með ólæknandi krabbamein í beinmerg.
Guðný greindi sjálf frá þessu í færslu á Facebook-síðu sinni fyrr í mánuðnum. Þrátt fyrir fréttirnar segist Guðný vera bjartsýn á lífið og tilveruna.
Guðný hefur glatt landsmenn í gegnum tíðina með lögum sínum á YouTube en með þeim fylgja oft skondin og listræn myndbönd. Hún verður seint kölluð annað en gleðigjafi.
Í færslunni segir Guðný að hún ætlar að byrja í lyfjameðferð í næstu viku og verða alla vega 120 ára.
Hér að neðan má sjá færslu Guðnýjar í heild sinni:
„Í dag fékk Guðný María þær fréttir að hún hefði greinst með beinmergs-krabbamein sem heitir „Waldenströms“ sem er ólæknandi. Hún byrjar í lyfjameðferð í næstu viku og miklu skiptir hvernig líkami hennar bregst við. ❤þetta er töff staða en samt sem áður get ég sagt þér að ég ætla að lifa og verða afar gömul kona, alla vega 120 ára, ég er alltof ung til að deyja og má alls ekki vera að þessu🙂Ég á eftir að gera svo margt,❤stuðningur þinn og vinátta skiptir mig afar miklu, love you yndið mitt“