Gísli Marteinn segir nóg komið: Ef þetta fólk réði væri fjöldi fólks dáinn

Gísli Marteinn Baldurs­son, sjón­varps­maður og fyrr­verandi borgar­full­trúi, virðist hafa fengið sig full­saddan af þeim sem tala fyrir vægari að­gerðum í bar­áttunni gegn út­breiðslu kórónu­veirunnar.

Gísli Marteinn birti tvær færslur á Twitter í gær­kvöldi sem fjölluðu að nokkru leyti um þetta. Fyrri færslan var svona:

„Á­standið hér er betra en næstum alls­staðar. En sama fólkið og ...

...mót­mælti fyrstu lokununum
...mót­mælti því að þrí­eykið fengi að ráða
...mót­mælti að­gerðum á landa­mærum
...mót­mælir enn.

Er ekki ljóst að ef þetta fólk réði þá væri hér fjöldi fólks dáinn og allir spítalar fullir?“

Helga Vala Helga­dóttir, þing­kona Sam­fylkingarinnar, segir í at­huga­semd við færslu Gísla Marteins að það sé afar sér­stök staða að standa í­trekað í því í þing­sal að ganga á milli í á­greiningi milli stjórnar­liða. Því miður sé það samt raunin.

Í seinni færslu sinni birti Gísli Marteinn töflu yfir þau lönd sem hafa bólu­sett flesta miðað við höfða­tölu. „Ís­land er í 6. sæti í heiminum af þeim sem nota Pfeizer/Moderna. Efst Norður­landanna. Hver er punkturinn hjá fólki sem er að reyna að kokka upp pólitískt hneyksli úr þessari stöðu?“

Ástandið hér er betra en næstum allsstaðar.
En sama fólkið og ...
...mótmælti fyrstu lokununum
...mótmælti því að þríeykið fengi að ráða
...mótmælti aðgerðum á landamærum
...mótmælir enn.
Er ekki ljóst að ef þetta fólk réði þá væri hér fjöldi fólks dáinn og allir spítalar fullir?

— Gísli Marteinn (@gislimarteinn) January 26, 2021

Tafla yfir þau lönd sem hafa bólusett flesta mv höfðatölu.

Ísland er í 6. sæti í heiminum af þeim sem nota Pfeizer/Moderna. Efst Norðurlandanna.

Hver er punkturinn hjá fólki sem er að reyna að kokka upp pólitískt hneyksli úr þessari stöðu? https://t.co/S8mx2B7Sgy

— Gísli Marteinn (@gislimarteinn) January 26, 2021