Lísa Kristjánsdóttir, aðstoðarmaður Katrínar Jakobsdóttur forsætisráðherra, hefur skellt sér í veitingarekstur og opnar kaffihús/vínbar í miðbæ Reykjavík.
„Miðaldra smáhrifavaldar opna kaffihús/vínbar. Kramber, betri stofa Dísu og Lísu opnar um leið og tilbúin sem er vonandi sem fyrst. Endilega fylgið okkur á Insta @kramber_reykjavik
Við lofum að vera hressar, skemmtilegar,“ skrifar Lísa á Facebook. Af Instagram síðu Kramber Reykjavik að dæma verður þar boðið upp á „góðan bita og gott vín.“
Hátt í 500 manns hafa líkað við færsluna og margir hrósað þeim Dísu og Lísu í athugasemdum en ekki eru allir sáttir með nýja vínbarinn.
Sigrún Hermannsdóttir, sem segist búa við hliðin á barnum, er ekki spor sátt og skrifar.
„Hefði ekki verið eðlilegt að tala við nágranna um að þið ætlið að opna vínbar við hliðin á heimili mínu með tilheyrandi útiveru og látum og tilheyrandi,“ skrifar Sigrún.
„Aldrei var þessi hugmynd borin undir okkur né kynnt,“ bætir hún við.