Guðmundur Felix Grétarsson, sem gekkst undir handleggjaágræðslu í frönsku borginni Lyon, á dögunum fékk loksins að hitta móður sína á sjúkrahúsinu þar sem hann dvelur.
Guðmundur birti afar fallega mynd af þeim mæðginum á Facebook-síðu sinni. „Loksins veitti spítalinn undanþágu til að ég gæti hitt mömmu. Þetta er í annað sinn frá aðgerðinni sem ég hitti hana og vonandi fæ ég að hitta pabba minn um helgina,“ segir hann.
Guðmundur Felix er allur að koma til eftir hina umfangsmiklu aðgerð sem framkvæmd var þann 13. janúar síðastliðinn. Hann hefur glímt við smávægilegar aukaverkanir sem er ekki óalgengt þegar um svo umfangsmiklar aðgerðir er að ræða.
Eins og kunnugt er missti Guðmundur báða handleggina í vinnuslysi hér á landi árið 1998. Aðgerðin sem hann gekkst undir í Frakklandi í janúar er einstök á heimsvísu. Myndin af Guðmundi Felix og móður hans má sjá hér að neðan.
Finally the hospital has made an exception to see my mom. This is the 2nd time that I meet her since the operation and...
Posted by Felix Gretarsson - Coaching on Fimmtudagur, 11. febrúar 2021