Páll Magnússon, þingmaður Sjálfstæðisflokksins, fagnaði sextíu og sex ára afmæli sínu í gær. Eins og gerist og gengur ákvaðu vinir og vandamenn Páls að senda honum afmæliskveðju á samfélagsmiðlinum Facebook.
Páll ákvað að þakka fyrir sig í dag en svo virðist sem hann hafði ekki erindi sem erfiði þar sem Facebook hefur bannað Páli að skrifa athugasemdir á vef sínum. Af skjáskoti Páls að dæma virðast ástæður Facebook vera þær að samfélsmiðilinn er að reyna koma í veg fyrir misferli á vef sínum.
„Kæru vinir! Ég þakka ykkur öllum innilega sem senduð mér fallegar afmæliskveðjur. Ég hef lesið þær allar og var staðráðinn í að þakka persónulega fyrir hverja og eina, enda þykir mér vænt um hverja og eina. Facebook bannar mér það hins vegar,“ skrifar Páll á Facebook.
„Tvisvar á einum sólarhring hafa þeir lokað fyrir ''komment'' frá mér með tilkynningunni á myndinni um að ég megi ekki skrifa fleiri skilaboð
Þið öll sem ekki hafið fengið persónulega þakkarkveðju frá mér verðið því að kvarta við facebook en ekki mig! En sem sagt: Takk,“ skrifar Páll
