Lækjartorg mun taka stakkaskiptum á næstu misserum og verður lyft upp á spennandi og áhugaverðan hátt samkvæmt tillögunni Borgaralind eftir Sp(r)int Studio og Karrens en Brands, sem bar sigur úr býtum í hönnunarsamkeppni um Lækjartorg og aðliggjandi gatnarými.
Tillagan þykir vera allt í senn djörf, hlýleg og rómantísk.
„Hún ber með sér hugmyndaauðgi, sterka fagurfræðilega sýn, og næmni fyrir umhverfi og staðaranda og lyftir Lækjartorgi upp á spennandi og áhugaverðan hátt. Tillagan nær að flétta saman nútímann og söguna samhliða því að styrkja hlutverk Lækjartorgs sem vettvang fjölbreyttra athafna og mannlífs. Sveigjanleiki, leikgleði og vel útfærð rými á torginu fela í sér ótal möguleika og tækifæri fyrir margvíslega viðburða á á öllum árstímum,“ segir í umsögn dómnefndar.
Dagur B. Eggertsson borgarstjóri segir á Twitter:
Svona verður endurgert Lækjartorg! Ótrúlega spennandi niðurstaða hönnunarsamkeppni. Gerum þetta. Hlakka til! Til hamingju verðlauna-hafar! https://t.co/s4JhpTdYIw
— [email protected] (@Dagurb) March 4, 2022