Uppsögn Eiðs Smára Guðjohnsen sem aðstoðarþjálfari íslenska karlalandsliðsins í fótbolta hefur verið á allra vörum síðustu daga en uppsögnin er sögð tengjast gleðskap eftir leik íslenska liðsins gegn Norður-Makedóníu á hóteli í Skopje fyrr í þessum mánuði.
Tvennar sögur fara af því hvort Eiður hafi fengið sér of mikið í glas það kvöldið en svo virðist uppsögn hans sé tengd drykkju hans þetta kvöldið.
Tónlistarmaðurinn Bubbi Morthens sem er einhver þekktasti bindindismaður þjóðarinnar ákvað því að minna landsmenn á hætturnar sem fylgja áfengisdrykkju.
„Skrímslið sem þú hélst að væri til þegar þú varst lítill er til því miður og það heitir Áfengi,“ skrifaði Bubbi á twitter síðu sinni í gærkvöldi.
Bubbi lét líka til skara skríða á Facebook síðu sinni og sagði þar að áfengi fellir enginn. „Við berum ábyrgð á okkur sjálf.“