Fjórir íslenskir karlmenn á þrítugsaldri voru handteknir af sérsveit ríkislögreglustjóra vegna gruns um skipulagningu hryðjuverka. Tveir þeirra voru úrskurðaðir i gæsluvarðhald, annar í viku og hinn í tvær vikur.
Mennirnir eru einnig grunaðir um umfangsmikla vopnaframleiðslu með notkun þríviddarprentara.
Brynja Huld Óskarsdóttir, öryggis- og varnarmálafræðingur, spyr stórra spurninga um málið en Brynja Huld er ein af fáu hryðjuverkasérfræðingum Ísland.
„Vantar svo miklu fleiri uppl. til að greina ástæður & herkænsku (strategy) á bakvið skipulagningu þessara hryðjuverka. Gremja & róttæknihæning er grundvallarundanfari í hryðjuverkum og eiga stærstan þátt í stýra einstaklingum inn á þessa braut,“ skrifar Brynja á Facebook.
„Hvaða öfgahugmyndafræði stýrði einstaklingum? Þekktust þeir fyrir? Eða kynntust þeir á netinu eða í öðrum félagsskap? Í öllu falli gífurlega stór breyting þegar kemur að upplifun á hryðjuverkaógn á Íslandi,“ bætir hún við.
„Hryðjuverk eru skilgreind sem það fyrirbæri að beita ofbeldi eða hótun um ofbeldi vísvitandi til að vekja ótta með það fyrir augum að breyta hegðun almennings eða yfirvalda til að ná pólitísku markmiði,“ skrifar Brynja að lokum.
Hvaða öfgahugmyndafræði stýrði einstaklingum? Þekktust þeir fyrir? Eða kynntust þeir á netinu eða í öðrum félagsskap? Í öllu falli gífurlega stór breyting þegar kemur að upplifun á hryðjuverkaógn á Íslandi.
— Brynja Huld Oskarsdottir (@BrynjaHuld) September 22, 2022
