Björn Leví Gunnarsson vonast til að fólk læri af reynslunni varðandi stóra rannsókn á góða virkni lyfsins ivermectin sem meðferð við Covid en rannsóknin hefur verið dregin til baka af siðferðisástæðum. Sjálfstæði rannsakendur sem lögðust yfir rannsóknina komust að því að hún var meingölluð. Hann deilir á Facebook-síðu sinni grein breska dagblaðsins The Guardian um málið og skrifar smá pistil með.
„Nú hef ég sem þingmaður fengið þó nokkra tölvupósta um þetta mál og tekið þátt í þó nokkrum umræðum á netinu. Það hefur verið mjög erfitt að fá fólk í þessum umræðum til þess að treysta vísindalega ferlinu - líklega af því að það er bara ekki nægilega hratt og afgerandi fyrir tilfinningar fólks. Snákaolíusölumennirnir eru hins vegar afgerandi með svona sögur og það er lykillinn að því að þekkja þá innan vísindanna.
Ég vona að fólk læri af þessu.“
