Lögreglan á höfuðborgarsvæðinu hefur sent frá sér tilkynningu vegna banaslyss sem varð á göngustíg á móts við Hagasel 14-22 í Breiðholti laugardaginn 16. janúar síðastliðinn.
Í tilkynningunni óskar lögreglan eftir hugsanlegum vitnum að slysinu.
Tilkynningin um slysið barst klukkan 8.13 en þar féll karlmaður á sjötugsaldri af reiðhjóli. Maðurinn var fluttur á slysadeild Landspítalans þar sem hann lést tveimur dögum síðar eins og áður hefur komið fram.
Þeir sem kunna að geta veitt upplýsingar um slysið eru vinsamlegast beðnir um að hafa samband við lögreglu, en upplýsingum má koma á framfæri í síma 444 1000, með einkaskilaboðum á fésbókarsíðu Lögreglunnar á höfuðborgarsvæðinu eða í tölvupósti á netfangið adals[email protected]
