Almannatengillinn Andrés Jónsson segir að aðeins einn maður geti komið í veg fyrir það að Hildur Björnsdóttir, borgarfulltrúi Sjálfstæðisflokksins, verði borgarstjóri. Til að gera langa sögu stutta er það ekki Eyþór Arnalds, oddviti flokksins í borginni.
Hildur tilkynnti í gær að hún ætlaði að sækjast eftir oddvitasætinu fyrir komandi borgarstjórnarkosningar í vor. Það stefnir því í baráttu milli hennar og Eyþórs Arnalds um oddvitasætið en Eyþór hafði þegar gefið það út að hann ætlaði sér að sækjast eftir endurnýjuðu umboði.
Eyþór á þó ekki möguleika gegn Hildi ef spádómur Andrésar reynist réttur. Hann segir á Twitter:
„Kalt mat. Eini sem getur unnið Hildi Björns í borginni er Dagur B.“
Andrés bætir við að Hildur hafi valið hárrétta línu til að fá meirihluta borgarbúa á bak við sig. „Eyþór hefur fallið í sömu gryfju og fyrri oddvitar Sjálfstæðisflokksins að tala of mikið inn í basann.“
Kollegi Andrésar, almannatengillinn Örn Úlfar Sævarsson, segir að Hildur sé vissulega öflug en erfiðasta áskorun hennar verði þó kannski að vinna sjálft prófkjörið.
Kalt mat. Eini sem getur unnið Hildi Björns í borginni er Dagur B.
— Andrés Jónsson (@andresjons) December 8, 2021
