Alls greindust 76 Covid-19 smit innanlands í gær. Þetta kemur fram í uppfærðum tölum á vef almannavarna.
46 af þessum 76 voru utan sóttkvíar.
Nýgengi innanlandssmita hefur hækkað hratt síðustu daga og farið úr 4,1 í 83,7 á rúmri viku.
Ríkisstjórnin fundar klukkan fjögur á Egilsstöðum í dag. Aðalumræðuefnið er nýtt minnisblað frá Þórólfi Guðnasyni sóttvarnalækni. Þar verða allir ráðherrar sem eru á landinu en Guðmundur Ingi Guðbrandsson umhverfisráðherra og Ásmundur Einar Daðason félagsmálaráðherra eru erlendis.
