Alls greindust 50 kórónuveirusmit hér á landi í gær, en aðeins 22 af þeim voru í sóttkví við greiningu. Þetta kemur fram í tölum sem birtust á vef COVID.is nú klukkan 11.
Athygli vekur að alls eru 50 manns á sjúkrahús með veiruna og þrír á gjörgæslu. Síðan fyrsta smitið greindist hér á landi í lok febrúarmánaðar hafa ekki verið fleiri í einu á sjúkrahúsi en nú.
Eins og komið hefur fram kom upp hópsmit á Landakoti í liðinni viku og kemur stór hluti sjúklinga þaðan. Nú eru 16 einstaklingar, 90 ára eða eldri, í einangrun vegna veirunnar og 33 einstaklingar í aldurshópnum 80 til 89 ára.