„Ríkisstjórn ykkar verður að neyða íslenska fyrirtækið, Samherja, til þess að skila peningunum til namibísku þjóðarinnar.“
Þetta kemur fram í áskorun sem hópur Namibíumanna í Bandaríkjunum afhenti sendiherra Íslands í Washington í gær. Mbl.is greinir frá. Áskorunin var birt á Facebook-síðu þeirra
Vitnað er í orð Bjarna Benediktssonar fjármálaráðherra, frá því í kvöldfréttum Stöðvar 2 sem einnig er að finna í erlendum miðlum um að mögulega væri að finna rót vandans í spilltri ríkisstjórn Namibíu. Bjarni Benediktsson sagði:
„Það er nú kannski líka það sem er sláandi og svo sem lengi vitað að spillingin í þessum löndum – auðvitað er rót vandans í þessu tiltekna máli veikt og spillt stjórnkerfi í landinu. Það virðist vera einhvers konar rót alls þess sem við erum að sjá flett ofan af.“
Er þetta harðlega gagnrýnt af hópnum og vilja þeir að íslenska ríkisstjórnin taki ábyrgð í Samherjamálinu.
„Við erum ekki sammála þessu og við komum hingað til að segja þér að þannig er ekki í pottinn búið.“