Þingmenn Sjálfstæðisflokksins og Vinstri grænna hafa staðið í miklum deilum um byggingu þjóðgarðs á hálendinu og talið er að fram undan séu einhvers konar átök á milli flokkanna. Sigurjón M. Egilsson segir í frétt sinni á midjan.is:
Í leiðara Morgunblaðsins í dag skrifar Davíð Oddsson: „Augljóst er, þegar þau sjónarmið sem umhverfisráðherra hefur sett fram eru skoðuð, að meginmarkmiðið með þjóðgarði sem spannar allt hálendi landsins er að koma í veg fyrir frekari virkjanir á svæðinu. Öðrum markmiðum mætti ná fram á annan hátt.“
Samkvæmt Miðjunni hefur böndum áður verið komið á Davíð er hann gekk nærri Sjálfstæðisflokknum með endurtekinni gagnrýni. Þar segir einnig að Vinstri græn leggi alla áherslu á umhverfismálin og að þjóðgarðurinn sé stóra flaggskipið en að þingmenn eins og Jón Gunnarsson og Páll Magnússon tali gegn áformunum. Í komandi átökum gerir Miðjan ráð fyrir sigri Sjálfstæðisflokksins og segir Vinstri græna eiga eftir að kyngja einum kúkamolanum til viðbótar. Þá segir Sigurjón M. Egilsson:
,,Fram undan eru einhvers konar átök. Fyrir fram má gera ráð fyrir sigri Sjálfstæðisflokksins. Að Vinstri græn kyngi einum kúkamolanum í viðbót.“