Samkvæmt upplýsingum frá ofanflóðvakt Veðurstofunnar hafa tvö snjóflóð fallið í dag í Suðavíkurhlíð og eitt í Langadal. Ófært er á svæðunum og því er ekki talin hætta á því að nokkur hafi lent í flóðunum.
Snjóflóðið sem féll í Langadal í Húnavantssýslu féll á þjóðveginn norðan við brúna yfir Svartá og er það um fimmtíu metra breitt og tveggja metra djúpt. Flóði tvö sem féllu á veginn við Súðavíkurhlíð voru svipað stór.
Mbl.is greindi frá en þar segir að óvissustig vegna snjóflóðahættu á Mið-Norðurlandi sé enn í gildi og verði fram eftir degi.
Magni Hrein Jónsson, sérfræðingur á ofanflóðvakt Veðurstofunnar segir þau fastlega reikna með því að fleiri flóð hafi fallið.
Ekki verður gripið til sérstakra aðgerða vegna flóðanna að svo stöddu.
