Segir nýjustu skýrsluna í braggamálinu vera „enn meira sjokkerandi“

Flokkur fólksins og Miðflokkurinn munu leggja til að borgarstjórn samþykki að vísa skýrslu innri endurskoðunar, um skjalavörslu í braggamálinu svokallaða, til héraðssaksóknara og lögreglu til að rannsaka hvort embættisbrot og brot í opinberu starfi hafi verið framin

Skjalavarsla í braggamálinu var ekki í samræmi við lög og reglur og segir því Kolbrún Baldursdóttir, borgarfulltrúi Flokks fólkisins, að nauðsynlegt að fá einhverja lúkningu í braggamálið.

Kolbrún segir að niðurstöðurnar úr nýjastu skýrslunni frá borgarskjalaverði um braggamálið séu afdráttarlausar og „enn meira sjokkerandi en skýrsla innri endurskoðunar sem kom út í fyrra.“

Kolbrún skrifar um svörtu skýrsluna svokölluðu í færslu sem sem hún birti á Facebook í dag.

„Niðurstöður eru afdráttalausar. Skjalavarsla var ekki í samræmi við lög og reglur um skjalavörslu og skjalastjórn. Þess vegna verður gerð önnur önnur tilraun á fundi borgarstjórnar næstkomandi þriðjudag og lagt til að braggamálið í heild verði vísað til héraðssaksóknara og lögreglu eftir atvikum,“ skrifar Kolbrún og birti eftirfarandi skjáskoti úr greinargerð tillögunnar. 

Bragginn hefur verið gríðarlega umdeildur en skýrslur innri endurskoðanda hafa dregið upp dökk mynd af byggingu braggans í Naut­hóls­vík og eftir­liti með verk­efninu.
Bragginn kostaði 425 milljónir króna en 352 milljónum var út­hlutað til verk­efnisins.

Hvergi virðist hafa verið fylgst með að ekki yrði farið fram úr sam­þykktum fjár­heimildum við verk­efnið og þess ekki gætt að sækja við­bótar­fjár­magn áður en stofnað var til kostnaðar, sem er brot á sveitar­stjórnar­lögum og reglum borgarinnar.

Upplýsingar um fram­kvæmdina til borgar­ráðs eru ekki taldar hafa  verið á­sættan­legar. Dæmi eru um að villandi eða jafn­vel rangar upp­lýsingar hafi farið til ráðsins auk þess sem borgar­ráð var ekki nægi­lega upp­lýst um fram­vindu mála.