Ólafur Arnarson, hagfræðingur fyrrverandi formaður Neytendasamtakanna, hefur verið ákærður fyrir að sparka í bílhurð á bílastæðinu við Costco. Málið var tekið fyrir í Héraðsdómi Reykjavíkur en greint var frá þessu á vef Fréttablaðsins.
Ólafur segir að um sé að ræða misskilning sem verði væntanlega leiðréttur fyrir dómstólum.
„Ég er sakaður um eitthvað sem átti sér ekki stað,“ sagði Ólafur um málið.
Í ákærunni er krafist þess að Ólafur greiði 214 þúsund krónur fyrir viðgerð á bílnum og hundrað þúsund krónur í skaðabætur vegna kostnaðar. Ekki er tekið fram hvenær átökin eiga að hafa átt sér stað.